BEHIAK:

Gure behiek urteko zati handian zehar Lezamako larre eta mendietatik bazka hartzen dute, gure ingurunearen kontserbazioari lagunduz. Eta soilik eguraldi txarra iristen denean, behiak ukuiluan sartu eta udaberriko uztan bildutako bazka erabiltzen dugu elikatzeko.

HAZKUNTZA:

Txahalak beraien amekin mantentzen dira, eta soilik honek ematen dion esnea eta bazka naturalez elikatuz, 5-6 hilabete izan arte. Une horretan, titia kendu eta hazkuntzarako emeak eta gizentzekoak aukeratzen dira.

GIZENTZEKO PROZESUA:

Gure ukuiluan ematen da, zera da, zabalera handiko kortetan, beti ere, animaliaren ongizatea bermatuz. Txahalak zerealez, eta lehen mailako kalitateko produktuekin egindako bazka eta pentsu naturalez elikatzen dira. Azken hauek, 10 eta 15 hilabete bitartean eramaten dira hiltegira. Ildo berean, Eusko Labelen kalitate kontrol guztiak gainditu behar dituzte. Horretarako, zehaztutako gantz puntua lortu beharra dute, besteak beste.

GARRAIOA:

Hiltegira eramateko bidaia gu geuk egiten dugu, animaliaren estresari erreparatuz eta kontu berezia izanik, jakin badakigulako prozesu hau garrantzi handienetakoa dela okelaren kalitate ona bermatzeko, animaliaren estres faltarena hain zuzen ere.

ZATIKATZE ETA ONTZIRATZEA:

Onimalia hil ondoren, izozgailuan ematen du 7 egun, okelaren heltze puntua hartzeko. Honen ostean, bere ezaugarri guztiak mantentzeko, zatikatu eta hutsean ontziratu egiten dugu.

BANAKETA:

Etxez etxeko doako banaketa egiten dugu gure eskualdean, Amurrio, Laudio, Urduña, Aiara, Artziniega, Orozko eta Zuian. Gasteizen biltzeko bi toki ditugu. Beste tokietara bidaltzeko, hoztutako garraio enpresa baten bitartez, penintsulako edozein tokitara bidaltzeko aukera dago. Zu zeu ere etor zaitezke eskaera jasotzera, eta bide batez gure instalazioak bisitatu.